Tag: नेपाल ट्रष्ट

काठमाडौं । नेपाल ट्रष्टको स्वामित्वको दरबारमार्गस्थित जमिनको लिज प्रकरणमा पक्राउ परेका पूर्व सहसचिव लेखबहादुर कार्कीमाथि अनुसन्धान गर्न आठ दिन म्याद थप भएको छ । जिल्ला अदालत, काठमाडौंमा पेश भएका कार्कीलाई थप आठ दिन प्रहरी हिरसातमा राखी उक्त प्रकरणमाथि अनुसन्धान गर्न प्राप्त भएको सिआईबी प्रवक्ता एसएसपी शिव श्रेष्ठले जानकारी दिए ।

नेपाल ट्रष्टको नाममा दर्ता कायम रहेको दरबारमार्गस्थित जग्गा नेपाल ट्रष्टको कार्यालय र थामशेर्कु ट्रेकिङ प्रालिबीच लिजमा दिनेलिने करारमाथि ठगी, आपराधिक विश्वासघातसम्बन्धी कसुरमा कार्कीविरुद्ध मुद्दा चलाइएको हो । चितवन जिल्लाको साविक श्रीपुर २, हाल भरतपुर महानगरपालिका– १५ बस्ने ६६ वर्षीया कार्की शनिबार पक्राउ परेका थिए । उक्त प्रकरणमा पक्राउ गर्नुपर्ने अन्य व्यक्तिको पनि पहिचान भइसकेको सिआइबीले स्रोतले जनाएको छ । थामसेर्कु ट्रेकिङ यति समूहअन्तर्गतको हो । कार्की अवकाश प्राप्त सहसचिव हुन् । प्रहरीका अनुसार, उनी चितवनको भरतपुर महानगरपालिका–१५ मा बसोबास गर्दै आएका छन् ।

उनलाई शुक्रबार चितवनबाट पक्राउ गरेर दरबारमार्गस्थित ट्रस्टको जग्गा लिज सम्झौताबारे अनुसन्धान सुरु गरिएको केन्द्रीय अनुसन्धान ब्युरो (सीआईबी) का प्रमुख प्रहरी अतिरिक्त महानिरीक्षक (एआईजी) मनोज केसीले जानकारी दिए । संस्थालाई नोक्सानी हुनेगरी ३० वर्षका लागि जग्गा लिजमा दिइएको आरोपमा प्रहरीले ठगी, आपराधिक विश्वासघातसम्बन्धी कसुरमा अनुसन्धान अघि बढाएको छ । दरबारमार्गको कित्ता नम्बर–४६०६ को जग्गा भन्दा बढी अर्को कित्ता नम्बर–४६०५ समेत थप गरी लिजमा दिने र लिने विषयमा ट्रष्ट सञ्चालक समितिको निर्णय र आधारबिना वद्नियतपूर्वक लिजमा दिइएको सीआईबीले जनाएको छ । नेपाल ट्रष्टको कार्यालयलाई दीर्घकालीन हानी नोक्सानी हुने गरी २०७४।०२।१४ गते करार सम्झौता भएको सीआईबीको दावी छ ।

काठमाडौं । नेपाल ट्रष्टका पूर्व सहसचिव लेखबहादुर कार्की पक्राउ परेका छन् । उनी ठगी र आपराधिक विश्वासघातको कसुरमा पक्राउ परेका हुन् । केन्द्रीय अनुसन्धान ब्युरोका अनुसार चितवन भरतपुर महानगरपालिका–१५ का ६६ वर्षीय कार्कीलाई शुक्रबार पक्राउ गरिएको हो।

उनीमाथि ठगी, आपराधिक विश्वासघात र नेपाल ट्रष्टको जग्गा लिजसम्बन्धी अनियमितता प्रकरणमा संलग्न रहेको आरोप छ । कार्कीमाथि प्रहरीका अनुसार काठमाडौं महानगरपालिका १, दरबारमार्गस्थित नेपाल ट्रष्टको नाममा दर्ता जग्गा थामसेर्कु ट्रेकिङ प्रालिलाई लिजमा दिने क्रममा कार्कीले गैरकानुनी रूपमा लाभ आरोपमा अनुसन्धान सुरु गरिएको छ ।

नेपाल ट्रष्ट र उक्त कम्पनीबीच लिज सम्झौता हुँदा कित्ता नम्बर ४६०६ को जग्गा मात्रै दिइने उल्लेख थियो । तर कार्कीले थप कित्ता नम्बर ४६०५ को जग्गा समेत विना निर्णय र आधार लिजमा दिएको पाइएको ब्युरोका प्रवक्ता प्रहरी वरिष्ठ उपरीक्षक शिवकुमार श्रेष्ठले जानकारी दिएका छन्।

नेपाल ट्रष्टको सञ्चालक समितिको निर्णयविना र बदनियतपूर्वक तीन वर्षको निर्माण अवधि तोकिएकामा ३० वर्षका लागि लिजमा दिँदा कार्की संलग्न रहेको श्रेष्ठ बताउँछन् । श्रेष्ठले भने, ‘सो कार्यबाट नेपाल ट्रष्टमार्फत नेपाल राष्ट्रलाई नै दीर्घकालीन हानी–नोक्सानी पुगेको र त्यसमा तत्कालीन पदाधिकारी, सरकारी कर्मचारी तथा अन्य व्यक्तिहरूले समेत गैरकानुनी लाभ लिएको आरोप छ ।’

पक्राउ परेका कार्की तत्कालीन समयमा नेपाल ट्रष्टको कार्यालयमा सहसचिवका रूपमा कार्यरत थिए । हाल अवकाश प्राप्त सहसचिव कार्कीको बयानका आधारमा थप अनुसन्धान अघि बढ्ने प्रहरीको भनाइ छ ।