काठमाडौं । राष्ट्रिय प्रजातन्त्र पार्टी (राप्रपा) केन्द्रीय सदस्य अर्जुन खनाललाई प्रहरीले नियन्त्रणमा लिएको छ । उनीविरुद्ध व्यवसायी बिन्दु थापाले जाहेरी दिएकि थिईन् ।
जेनजी आन्दोलनका क्रममा आफ्नो घरमा भएको आगजनीमा खनालसमेत संलग्न रहेको थापाको आरोप छ । यसअघि उनकै उजुरीमा प्रहरीले रास्वपा कार्यकर्ता विक्रम भन्ने अभिमन्यू पाण्डेलाई पक्राउ गरेको थियो ।
पाण्डेको विषयमा बुझ्न जिल्ला प्रहरी कार्यालय जाँदा प्रहरीले ‘तपाईँ विरुद्ध पनि उजुरी छ’ भन्दै खनाललाई नियन्त्रणमा लिएको हो ।
खनालसँगै जिप्रका गएका राप्रपा नेता अरुण गिरीले खनाल कतै पनि आगजनीमा संलग्न नरहेको दाबी गरे ।
जिप्रका कास्कीका प्रमुख एसपी नवीन कार्कीले भने आगजनीको भिडिओमा देखिएकाले खनाललाई पक्राउ गरिएको बताए । प्रहरीले बोलाएर नै उनी आएको कार्कीको दाबी छ ।
