`

राजावादीको बिजुलीबजारमा प्रदर्शन

काठमाडौँ । राजावादीहरुले काठमाडौंको बिजुलीबजारमा प्रदर्शन गरेका छन् । शाही युवा शक्ति नेपालको आयोजनामा शनिवार उनीहरुले प्रदर्शन गरेका हुन् ।

राजतन्त्र पुनःस्थापनाको माग राखी प्रदर्शन गरिएको हो । राजतन्त्र पुनःस्थापनाको लागि जनदबाब सिर्जना गर्न शान्तिपूर्ण प्रदर्शन गरिएको शाही युवा शक्ति नेपालले जनाएको छ ।

प्रदर्शनमा एक दर्जन बढी युवाहरु सहभागी थिए । पछिल्लो समय केही समूहहरुले राजतन्त्र पुनः स्थापनाको माग राखी प्रर्दशन गर्ने गरेका छन् ।

 

प्रशासनको आदेश अवज्ञा गर्दै काठमाडौंमा राजावादीको जुलुस

काठमाडौं । जिल्ला प्रशासन कार्यालय काठमाडौंको आदेशलाई अवज्ञा गर्दै काठमाडौंको सामाखुशीमा राजावादीहरूले जुलुस निकालेका छन् । सन्तोष राजावादीको नेतृत्वमा राजा चाहियो भन्दै नाराबाजी गरेका हुन् ।

अहिले प्रदर्शनकारीलाई प्रहरीले घेरा हालेर राखेको छ । अहिलेसम्म कसैलाई पक्राउ गरेको छैन । काठमाडौं प्रशासनले हिजो स्थिति सामान्य नभएसम्म कसैलाई र्‍याली, भेला, जुलुस गर्न नदिने निर्णय गरेको थियो । उनीहरूले राजा आऊ देश बचाऊ , हत्यारा सरकार मुर्दावाद, गणतन्त्र मुर्दावाद, हाम्रो राजा, हाम्रो देश प्राणभन्दा प्यारो छ, नारा लगाएका थिए ।