लेबनान । हिजबुल्लाहका नेता शेख नइम कासिमले लेबनानको जारी राजनीतिक, आर्थिक र सुरक्षा अस्थिरताको पछाडि संयुक्त राज्य अमेरिका र इजरायल मुख्य वाह्य कारक रहेको बताएका छन् । लेबनानको वर्तमान अवस्थालाई सम्बोधन गर्दै एक टेलिभिजन भाषणमा कासिमले लामो समयदेखिको अमेरिकी प्रभुत्व र निरन्तर इजरायली आक्रमणका कारण देश तुफानको केन्द्रमा रहेको बताए ।
उनले लेबनानले थप सम्झौता गर्नुअघि इजरायलले आफ्ना सबै सेना फिर्ता गरेर सैन्य कारबाही रोकेर, बन्दीहरूलाई रिहा गरेर र पुनर्निर्माण शुरु गर्न अनुमति दिएर युद्धविरामलाई पूर्ण रूपमा कार्यान्वयन गर्नुपर्नेमा जोड दिए । कासिमले निःशस्त्रीकरणको आह्वानलाई पनि अस्वीकार गरे । यसले आन्तरिक विभाजनलाई गहिरो बनाउने, लेबनानको रक्षालाई कमजोर पार्ने र इजरायललाई लेबनानी भूभागको केही भाग ओगट्न र प्रतिरोध बिना आक्रमण जारी राख्न सक्षम बनाउने चेतावनी दिए । हिजबुल्लाह र इजरायलबीच नोभेम्बर २७, २०२४ देखि युद्धविराम सम्झौता लागू भएको छ । सम्झौताका बाबजुद इजरायलले हिजबुल्लाहका खतराहरूलाई हटाउने उद्देश्यले लेबनानमा कहिलेकाहीं आक्रमणहरू जारी राखेको छ ।