काठमाडौं । लोकतान्त्रिक समाजवादी पार्टी (लोसपा) का महासचिव डा. सुरेन्द्र झाले नेपाललाई बंगलादेश जस्तै जनप्रतिनिधिविहीन बनाउने खेल भइरहेको आरोप लगाएका छन् । नेकपा (एमाले) को एघारौं महाधिवेशन उद्घाटन समारोहमा शुभकामना मन्तव्य राख्दै डा. झाले सचेत गराएका हुन्।
जेनजी आन्दोलनका नाममा संसद् विघटन गरिएको बताउँदै उनले भने, ‘पुराना शक्तिलाई एक्ल्याउने गरी सरकार हिडिरहेको छ । मुलुकलाई बङ्लादेशको जस्तै जनप्रतिनिधिविहीन बनाउने खेल भइरहेको छ ।’ उनले समयमै चुनाव हुनेमा शंका जनाए । सरकारका क्रियाकलापले निर्वाचनको वातावारण बन्न नसकेको उनको भनाइ थियो ।