काठमाडौँ, २६ भदौ : जनमत पार्टीले संविधानसभाका अध्यक्ष एवं नेकपा (एमाले) का उपाध्यक्ष सुवास नेम्वाङको निधनप्रति दुःख व्यक्त गरेको छ ।

“संविधानसभा अध्यक्ष एवं नेकपा (एमाले) का उपाध्यक्ष नेम्वाङको असामयिक निधन भएको हुँदा उहाँप्रति जनमत परिवार हार्दिक श्रद्धाञ्जलि व्यक्त गर्दछौँ । तथा शोकाकुल परिवारप्रति गहिरो समवेदना प्रकट गर्दछौँ ।” सो पार्टीका केन्द्रीय प्रवक्ता डा शरदसिंह यादवले जारी गर्नुभएको विज्ञप्तिमा उल्लेख छ । संविधानसभाका अध्यक्ष एवं नेकपा (एमाले) का उपाध्यक्ष नेम्वाङको ७१ वर्षको उमेरमा आज बिहान असामयिक निधन भएको हो ।