काठमाडौ । नेपाली कांग्रेसले उपपप्रधान तथा गृहमन्त्री रवि लामिछानेको राजीनामा माग गरेको छ । मंगलबारको प्रतिनिधिसभा बैठकमा कांग्रेस सांसद दीपक गिरीले राजीनामा माग गरेका हुन् ।

उनले बुटवलको सुप्रिम सहकारीमा संलग्न दीपेश पुन पक्राउ परेपनि गृहमन्त्री रवि लामिछानेमाथि कारबाही नभएको भन्दै आपत्ति जनाएका छन् ।

नेपाल प्रहरी र सीआईबीले समेत उनीमाथि छानबिन अघि बढाएको भन्दै उनले सत्ता समीकरण बदलेर गृह मन्त्रालय लिएको आरोप लगाए । मुद्दालाई प्रभावित पार्ने गरी कानुनी राज्यमा सुहाउने कुरा नभएकोले आफूहरूको गम्भीर चिन्ता र चासो भएको उनले बताए ।