काठमाडौँ । दक्षिण अमेरिकी विश्वकप छनोट अन्तर्गतको खेलमा अर्जेन्टिनाले पेरुलाई पराजित गरेको छ । बुधबार बिहान भएको खेलमा अर्जेन्टिनाले पेरुलाई एक शून्यले पराजित गरेको हो ।

अर्जेन्टिनाको जितमा लाउतारो मार्टिनेजले खेलको ५५औं मिनेटमा गरेको गोल नै निर्णायक बन्यो। मार्टिनेजले सो गोल लियोनल मेस्सीको असिस्टमा गरेका थिए ।

जितसँगै विश्वकप छनोटमा अर्जेन्टिनाको १२ खेलमा २५ अंकसहित शीर्ष स्थानमा छ। पराजित पेरुको भने १२ खेलमा केवल ७ अंकसहित अंकतालिकाको पुछारमा छ।