रोल्पा । रोल्पामा निर्माणाधीन झोलुङ्गे पुलको पर्खाल भत्किँदा पाँच जनाको मृत्यु भएको छ । आइतबार रोल्पाको सुनछहारी गाउँपालिका वडा नम्बर ३ गाममा निर्माणाधीन झोलुङ्गे पुलको टेवा पर्खाल भत्किँदा पाँच जनाको मृत्यु भएको हो ।

मृत्यु हुनेमा सुनछहरी ३ बाहिरी गामका ४५ वर्षीय दुजमान परियार, ३१ वर्षीय ओम परियार, ४० वर्षीया सुवित्रा परियार, २७ वर्षीया आइती परियार र ६६ वर्षीय देवीराम परियार छन् ।

रोल्पाका प्रहरी प्रमुख डिएसपी भरत लामाले टेवा पर्खाल भत्किएर दुर्घटना भएको जानकारी दिए । पुल निर्माणमा सात जना मजदूर खटिएकामा दुई जना भने भाग्न सफल भएका थिए ।