विराटनगर । नेपाली कांग्रेसका सभापति शेरबहादुर देउवाले सरकारले राम्रो काम गरिरहेको बताएका छन् । शनिबार कांग्रेस कोशी प्रदेशको पहिलो सम्मेलनलाई सम्बोधन गर्दै सभापति देउवाले सरकारले सुझबुझरुपमा काम गरिरहेको बताएका हुन् ।

उनले चीनसँग सुझबुझ ढंगबाट बीआरआई सम्झौता गरेको समेत बताए । उनले भने, ‘बीआरआई सम्झौता सुझबुझपूर्ण रुपमा छ । ऋणभन्दा पनि अनुदानको रूपमा सुविधा लिने विषय हो। ओलीजीले त्यही ढंगले सम्झौता गर्नुभयो । ओलीजीले राम्रो काम गर्नुभएको छ ।’

सभापति देउवाले नेपालले विकासका निम्ति एडिबी, आईएमएफलगायत अन्तर्राष्ट्रिय दातृनिकायसँग ऋण लिएको भन्दै अब धेरै ऋण लिने अवस्था नरहेको बताए । उनले कांग्रेस र एमाले मिल्दा स्थायित्व हुने विश्वास व्यक्त गरे ।