काठमाडौं । नेपाल प्रिमियर लिग (एनपीएल) मा लुम्बिनी लायन्सले चितवन राइनोजलाई १६८ रनको लक्ष्य दिएको छ । त्रिवि क्रिकेट मैदानमा टस हारेर ब्याटिङ गरेको लुम्बिनीले ६ विकेट गुमाएर एक सय ६७ रन बनायो । लुम्बिनीका कप्तान रोहित पौडेलले सबैभन्दा धेरै ८० रन बनाए ।

यस्तै साद बिन जफरले ५२ रन बनाए । चितवनका रिजन ढकालले तीन विकेट लिए । यस्तै कुशल मल्ल र रन्जित कुमारले समान एक विकेट लिए । यस्तै आजै हुने दोस्रो खेलमा दिउँसो १ बजे कर्णाली याक्स र पोखरा एभेन्जर्सबीच खेल हुने छ ।