काठमाडौँ । गायक शंकर श्रेष्ठ र गायिका ममता गुरुङको स्वर रहेको सर्यो सर्यो बोलको गीतको भिडियो सार्वजनिक भएको छ । शैलु आचार्यको शब्द शृजना तथा किरण भुजेलको संगीतमा तयार गीतको भिडियोको कन्सेप्ट पनि गायक स्वयमकै हो । एक प्रेमील जोडीको रोमाञ्चक प्रेम कहानी र मर्मस्पर्शी बिछोडका भावनाहरुलाई समेटिएको भिडियोमा गायक शंकर र नायिका गरिमा शर्माको अभिनय गज्जब देख्न सकिन्छ । भिडियोमा गरिमा र शंकर दुवै रोमान्टिक अवतारमा देखा परेका छन् ।

दुई प्रेमील मन एक हुँदा कुन हदसम्मको माया बढ्छ भन्ने कुरालाई गरिमा र शंकरका माध्यमबाट निर्देशक शान थापाले देखाउन खोजेका छन् । रोशन विश्वकर्माको कोरियोग्राफी रहेको भिडियोको सम्पादन दिनशन शाहले गरेका हुन् । गायक श्रेष्ठ गायक सँगसँगै अभिनयमा पनि औधी रुची राख्छन् । बुधबारे झापाका गायक श्रेष्ठ अहिले अशोक दर्जीको मन बिनाको धन नामक फिल्मको छायांकन सकेर अहिले परिवर्तन नामक फिल्मको छायांकनमा व्यस्त छन् ।

मन बिनाको धन नामक फिल्म अशोक दर्जीको जीवनिमा आधारित फिल्म हो । जसलाई टंक बुढाथोकीले निर्माण तथा निर्देशन गर्दैछन् । लामो समयदेखि यूएईमा रहेर व्यबसाय गर्दै आएका गायक श्रेष्ठ गायन सँगसँगै अभिनयमा पनि औधी व्यस्त छन् । गायक श्रेष्ठको सर्यो सर्यो बोलको गीतको भिडियो हालै गायक कुमा सागरको एक कार्यक्रमकाबिच रिलिज गरिएको हो । विषम आचार्यको एरेन्ज, साजन शाहको मिक्सिगं मास्टरिंग रहेको गीतको छयांकन अर्जुन तिवारीले गरेका हुन् ।