काठमाडौं । सरकारको प्रवक्ता समेत रहेका सञ्चार तथा सूचना प्रविधिमन्त्री जगदिश खरेलले टिचिङ हस्पिटलमा पुगेर जेनजी आन्दोलनका घाइतेहरुलाई भेटेका छन् । भदौ २३ र २४ गते भएको जेनजी आन्दोलनका क्रममा घाइते भई उपचार भइरहेको घाइतेहरुलाई उनले भेटेका हुन ।

उनले घाइतेको स्वास्थ्य अवस्था बुझ्नुका साथै उनीहरुको उपचारका लागि सरकारले गरेका व्यवस्थाहरुका बारेमा जानकारी गराएका थिए । यसअघि उर्जामन्त्री कुलमान घिसिङ, प्रधानमन्त्री सुशीला कार्कीले जेनजी आन्दोलनका घाइतेहरुलाई अस्पताल पुगेर भेटेका थिए । भेटका क्रममा मन्त्री खरेलले घाइतेहरूको स्वास्थ्यलाभको कामना गरे । सो क्रममा मन्त्री खरेलले भने, ‘यो सरकार तपाईंहरूले बगाएको रगतले बनेको हो, देश पनि अहिले बिरामी छ, तपाईहरूसँगै देशको पनि उपचार गर्ने हो ।’

तस्वीरहरु