काठमाडौँ । नेकपा (माओवादी केन्द्र) का नेता वर्षमान पुनले सरकारले जेन-जी आन्दोलनलाई अत्मसाथ गरेर निर्वाचनमा भाग लिन तयार भएको पार्टीलाई नै तर्साउन खोजेको आरोप लगाएका छन् ।

अखिल नेपाल ट्रेड युनियन महासंघले आयोजना गरेको कार्यक्रममा उनले यस्तो बताएका हुन् । उनले माओवादीका नेता, कार्यकर्ता, विद्यार्थीलाई सरकारका तर्फबाट तर्साउने काम भइरहेको जानकारी दिए।

उनले सरकारले भदौ २३ गतेको जेन-जी आन्दोलनमा हत्या गर्ने, सत्तामा हालिमुहाली गर्ने विचौलियाहरुलाई कारबाही गर्न नसकेको बताए । साथै माओवादी केन्द्र र पूर्वअध्यक्ष पुष्पकमल दाहाललाई अनुसन्धानको नाममा तर्साउन खोजेको पुनको भनाई छ । उनले यस प्रकारको प्रवृत्ति स्वीकार्य नहुने बताए ।

उनले भने, ‘हामी निर्वाचनमा जान्छौँ, जनमतमा जान्छौँ, एजेण्डासहित जान्छौँ । हामी जेन-जीका बलिदानलाई सार्थक बनाउनेगरि जान्छौँ । तर यसमा हामीलाई टार्गेट गर्ने, २३ गते त्यत्रा दर्जनौँ नानीहरुको हत्या गर्नेहरुलाई केही नगर्ने, सत्तामा गएर हालीमुहाली गर्ने विचौलियाहरुलाई केही नगर्ने, अनि गएर प्रचण्ड कमरेडतिर गएर तेर्साउन खोज्ने रु हाम्रा कोहि नेतातिर तेर्साउन खोज्ने हामी स्वीकार्दैनौँ । यस प्रकारका बेठिक प्रवित्ति हामी स्वीकार्दैनौँ ।’

माओवादी शान्ति, लोकतन्त्र र आजको भन्दा प्रगति चाहने पार्टी भएकोले माओवादीलाई हेप्न खोज्ने प्रवृत्ति त्याग्न पुनले आग्रह गरे ।