`

रास्वपाले दियो दल दर्ताका लागि आयोगमा निवेदन {तस्वीरहरु}

Nepal One HD १ मंसिर २०८२ १५:४७
निर्वाचन विषेश

काठमाडौँ । रवि लामिछाने नेतृत्वको राष्ट्रिय स्वतन्त्र पार्टी (रास्वपा) ले दल दर्ताका लागि निर्वाचन आयोगमा निवेदन दिएको छ । सोमवार निर्वाचनमा आयोगमा पुगेर लीमा अधिकारीसहितका नेताहरूले दल दर्ताका लागि आयोगमा निवेदन पेस गरेकी हुन् । राष्ट्रिय सभा र प्रतिनिधिसभा निर्वाचन प्रयोजनका लागि आफूहरूले दल दर्ताका लागि आयोगमा निवेदन दिएको नेतृ अधिकारीले जानकारी दिइन् । उनले विधिको शासन, नागरिक सर्वोच्चता र संविधानलाई ट्र्याकमा ल्याउन पनि निर्वाचनमा केन्द्रित हुने निष्कर्षमा आफ्नो पार्टी पुगेको समेत बताइन् ।

नेतृ अधिकारीले भनिन् ‘हामी निर्वाचन केन्द्रित भएका छौ । हाम्रा सम्पूर्ण गतिविधि निर्वाचनसँग सम्बन्धित छन् । वैकल्पिक शक्तिहरूको पनि निर्णायक भूमिका खेलिरहेको हाम्रो पार्टी जिम्मेवारी बोधका साथ लागेका छौँ । हामीले विधिको शासन, नागरिकको सर्वोच्चता र संविधानलाई ट्र्याकमा ल्याउन पनि हामी सबै फागुन २१ को निर्वाचनमा होमिनु पर्दछ भन्ने निष्कर्ष निकालेका छौँ ।’ त्यस अवसरमा नेतृ अधिकारीले जेन–जी आन्दोलनपछि सबै भन्दा पहिला मुलुकलाई निर्वाचनमा लैजानुपर्छ भनेर माग गर्ने पार्टी नै रास्वपा रहेको दाबी समेत गरिन् ।


प्रतिक्रिया

Leave a Reply

Your email address will not be published. Required fields are marked *