काठमाडौँ । पहिचान पुरस्कार कोषले यस वर्षको पहिचान सम्मान वरिष्ठ साहित्यकार वैरागी काइँला (तिलविक्रम नेम्वाङ सुब्बा) लाई प्रदान गरिने भएको छ ।

रु पाँच लाख दुई हजार दुई राशीका सम्मान वरिष्ठ साहित्यकार-मुन्धुमविद् एवं नेपाल प्रज्ञा प्रतिष्ठानका पूर्वकुलपति काइँलालाई प्रदान गर्ने निर्णय भएको कोषका संस्थापक नरेश काङमाङ राईद्वारा आज जारी विज्ञप्तिमा जनाइएको छ ।

यस्तै, रु ५० हजार दुई सय दुई राशीको पहिचान युवा सम्मान गणेशकुमार राई (गीलु रातोस) लाई दिइने भएको छ ।

पहिचान आन्दोलन र लेखनमा उनीहरूले दिएको योगदानलाई कदर गर्दै उक्त सम्मान र पुरस्कार दिइने निर्णय भएको विज्ञप्तिमा जनाइएको छ ।