काठमाडौं । जेनजी आन्दोलनमा घाइतेलाई सहयोग गरेर चर्चामा आएकी किशोरी कार्कीले ओखलढुंगाबाट चुनाव लड्ने भएकी छन् । सोमबार साँझ सामाजिक सञ्जाल फेसबुकमा स्ट्याटस लेख्दै उनले आगामी फागुन २१ गते हुने प्रतिनिधिसभा निर्वाचनमा ओखलढुंगाबाट चुनाव लड्ने जानकारी दिएकी हुन् । उनले ओखलढुंगा मुटुको धड्कन, जीवनको पहिचान भएको बताउँदै लेखेकी छन्, ‘यही माटोमा म जन्मिएँ, यही माटोमै मेरो बुवाको सपना अधुरै छाडियो र यही माटोमै मेरी आमाले आधा जीवन आँशु पुछ्दै बिताउनु पर्‍यो ।’