काठमाडौं । एमालेका उपमहासचिव प्रदीप ज्ञवालीले एमाले न्यातपोल जस्तै गौरव बोकेर र धरहरा जस्तै अनेक धक्का चिर्दै उठ्ने शक्ति भएको दावी गरेका छन् । एमालेको ११ औं महाधिशवेशनको उद्घाटन समारोहमा बोल्दै उनले महाधिवेशनमा राखिएको न्यातपोल दरबार र धरहराको राख्नुको कारण उल्लेख गरेका छन् ।

‘न्यातपोल दरबारले चार चार वटा भूकम्प झेलेको छ र पनि गौरवको रुपमा रहेको छ’ उनले भने, ‘धरहरा हामीले नव निर्माणको प्रतीकको रुपमा राखेका छौं ।’ उनले धरहरा नव निर्माणको प्रतीकको रुपमा रहेकोको उल्लेख गर्दै जस्तै धक्का चिरेर पनि एमाले उठ्ने बताए । ‘हामीले सन्देश दिन खोजेका छौं । न्यातपोलको गौरवशाली इतिहास जस्तै र धरहरा जस्तै धरहरा जस्तै धक्का चिरेर उठ्न सक्छौं’ उनले भने ।

जेनजी आन्दोलनमा ज्यान गुमाउने युवा र सुरक्षाकर्मीप्रति मौन धारण
नेकपा एमालेले गत भदौ २३ र २४ गते जेनजी आन्दोलनका ज्यान गुमाएका युवा र सुक्षाकर्मीप्रति पनि मौन धारण गरेको छ । शुक्रबार भक्तपुरको सल्लाघारीमा सुरु भएको ११ औं महाधिवेशनको उद्घाटन समारोहमा उनीहरुप्रति श्रद्धाञ्जली व्यक्त गर्दै एक मिनेट मौन धारण गरेको हो ।