काठमाडौं । नेपाली कम्युनिष्ट पार्टी (नेकपा) का महासचिव देव गुरुङले अहिलेको अवस्थमा कम्युनिष्ट एकताको विकल्प नभएको बताएका छन् । नेकपा (एमाले) को एघारौं महाधिवेशन उद्घाटन समारोहमा शुभकामना मन्तव्य राख्दै महासचिव गुरुङले अहिलेको अवस्थामा कम्युनिष्ट एकता जरुरी रहेको बताएका हुन् ।

यसका लागि आफ्नो पार्टीले प्रयास गरिरहेको बताए । गुरुङले भने, ‘कम्युनिष्टहरू एकताबद्ध हुनुको विकल्प छैन । बामपन्थी एकताको विकल्प छैन । राष्ट्रवादी शक्तिसँग सहकार्य गर्दै अघि बढ्नु पर्छ ।’ एमालेको महाधिवेशनले पनि त्यसका लागि आवश्यक निर्णय गर्नुपर्ने उनले बताएका छन् । अहिलेको अवस्थामा कम्युनिष्ट एकजुट हुनुपर्ने बताउँदै गुरुङले भने, ‘कम्युनिष्टहरूको एकीकरण अनिवार्य छ ।’