काठमाडौं । नेकपा एमालेले आगामी प्रतिनिधिसभा निर्वाचनका लागि घोषणापत्र लेखनका लागि सुझाव संकलन थालेको छ ।

अध्यक्ष केपी शर्मा ओली नेतृत्वको घोषणापत्र मस्यौदा समितिले पार्टी संगठन र जनवर्गीय संगठनलगायत निकायबाट सुझाव मागिरहेको प्रचार संयोजक मीनबहादुर शाहीले बताए ।

उनका अनुसार सबै क्षेत्रबाट दुई–तीनपटक सुझाव संकलन गरिसकेको छ । यसपछि घोषणापत्रको मस्यौदा लेखन थालिने छ ।

घोषणापत्र मस्यौदा समितिमा उपाध्यक्षहरू रामबहादुर थापा ‘बादल’ र विष्णु पौडेल, महासचिव शंकर पोखरेल, नेताहरू ईश्वर पोखरेल, प्रदीप ज्ञवाली र विष्णु रिमाल सदस्य छन् ।

प्रतिनिधिसभा निर्वाचन भने आगामी २१ फागुनमा हुँदैछ । एमालेले पाँच वर्षभित्र पार्टीले एकल बहुमतीय सरकार बनाएको अवस्थामा देश विकासको मार्गचित्र कस्तो हुने ? घोषणापत्रमा समेट्ने जनाएको छ ।