पाँचथर । पाँचथरको फेमे खोला क्षेत्रमा ट्रयाक्टर र मोटरसाइकल ठोकिँदा श्रीमान गम्भीर घाइते भएका छन् भने श्रीमती सामान्य घाइते भएकी छन् ।

जिल्ला प्रहरी कार्यालय पाँचथरले जनाएअनुसार गम्भीर घाइते हुने श्रीमान् दमन ढुङ्गाना र सामान्य घाइते श्रीमती लिला उप्रेती हुन् ।

ढुंगाना फिदिम–१२ को कस्तुरी आधारभूत विद्यालयका प्रधानाध्यापक हुन् । श्रीमती उप्रेती कालिका मा.वि. बाबुङ्गाकी शिक्षिका हुन् ।

दुवै जना मोटरसाइकलमा सोमबार बिहान विद्यालय जाँदै गर्दा फेमे खोला क्षेत्रमा ट्रयाक्टरले ठक्कर दिएको प्रहरीले जनाएको छ ।

गम्भीर घाइते ढुंगानालाई थप उपचारका लागि झापास्थित बीएण्डसी अस्पताल पठाइएको छ ।