काठमाडौं । काठमाडौं महानगरपालिकाका पूर्वप्रमुख बालेन्द्र शाह (बालेन)ले मात्रै प्रयोग गर्दै आएको लिफ्ट सेवाग्राहीका लागि खुला गरिएको छ ।

बालेन्द्र प्रमुख हुञ्जेल उनले पासवर्ड राखेर आफूले प्रयोग गर्नेगरिको बनाएका थिए ।

उनी प्रमुख छँदै केही जनप्रतिनिधिले लिफ्टको एक्लौटी प्रयोगलाई लिएर असन्तुष्टि जनाएका थिए ।

तर, ती जनप्रतिनिधिहरूको असन्तुष्टि बालेन्द्रले नसुनेझैँ गरे । तर, महानगरपालिकाका सहायक प्रवक्ता धु्रवकुमार काफ्लेका अनुसार कार्यवाहक प्रमुख सुनिता डंगोलको निर्देशनअनुसार बालेन्द्रको पासवर्ड हटाएर मंगलबारदेखि सेवाग्राहीका लागि प्रयोग गर्न खुला गरिएको हो ।

बालेन्द्र भने प्रमुखबाट राजीनामा दिएर यतिबेला चुनावी अभियानमा छन् । उनी झापा–५ बाट रास्वपाका प्रतिनिधिसभा सदस्य उम्मेदवार हुन् ।