सर्लाही । नेपाल सरकारका गृहमन्त्री ओम प्रकाश अर्याल र मधेस प्रदेश सरकारका गृह, सञ्चार तथा कानुनमन्त्री फकिरा महतोबीच  भेटवार्ता भएको छ ।उनीहरुबीच आइतबार भेटवार्ता भएको हो ।

भेटमा आगामी निर्वाचनलाई शान्तिपूर्ण, मर्यादित र निष्पक्ष रूपमा सम्पन्न गर्न आवश्यक सुरक्षा व्यवस्था, सवारी साधनको व्यवस्थापन र सुरक्षा तयारीबारे छलफल गरिएको मधेसका गृहमन्त्री फकिरा महतोको सचिवालयले जनाएको छ ।

साथै, मधेस प्रदेशको महान पर्व होलीलाई शान्तिपूर्ण र उत्साहपूर्वक मनाउने विषयमा पनि छलफल भएको थियो। त्यसैगरी, प्रहरी समायोजन सम्बन्धी विषयमा पनि छलफल भएको छ । मन्त्रीहरूले तोकिएकै मितिमा निर्वाचन सम्पन्न गर्ने प्रतिबद्धता जनाउँदै आपसी समन्वयलाई बलियो बनाउने सहमति गरेका छन् ।

साथै, गृहमन्त्री महतोले आजै परराष्ट्रमन्त्री बालानन्द शर्मासँग पनि भेटवार्ता गरेका छन। सुरक्षा, निर्वाचन र सामाजिक सद्भावलाई केन्द्रमा राखेर भएको उक्त भेटवार्ता सकारात्मक वातावरणमा सम्पन्न भएको बताइएको छ ।