एजेन्सी। अमेरिकी राष्ट्रपति डोनाल्ड ट्रम्पले इरानसँग तत्काल सम्झौता नभए कडा सैन्य कदम चाल्ने चेतावनी दिएका छन्। सीएनएनका अनुसार पत्रकार सम्मेलनमा बोल्दै ट्रम्पले इरानविरुद्ध आवश्यक परे व्यापक सैन्य कारबाही गर्न अमेरिका तयार रहेको संकेत दिएका हुन्।

उनले इरानका भौतिक पूर्वाधार, ऊर्जा संरचना लगायतका महत्वपूर्ण संरचनालाई निशाना बनाउन सकिने बताएका छन्। ट्रम्पले छिट्टै सम्झौता नभए गम्भीर परिणाम आउने भन्दै समयसीमासमेत उल्लेख गरेका छन्। उनका अनुसार छोटो समयमै सहमति नजुटे कडा कदम चालिनेछ।

हालसम्म ट्रम्पको यस अभिव्यक्तिबारे इरानले औपचारिक प्रतिक्रिया दिएको छैन।