काठमाडौं । लेखक तथा प्राज्ञ अमर न्यौपानेको चर्चित उपन्यास ‘सेतो धरती’लाई नाट्य रूपान्तरण गरिएको छ। मदन पुरस्कार प्राप्त उक्त कृतिमा आधारित नाटक कान्तिपुर फिल्म एकेडेमीले निर्माण गरेको हो।

नाटकको मुख्य भूमिकामा अभिनेत्री बेनिशा हमाल रहेकी छन्। यसै नाटकमार्फत उनले रंगमञ्चमा डेब्यु गर्न लागेकी हुन्।

‘सेतो धरती’ नाटकको निर्माण रेखा थापाले गरेकी हुन् भने यसमा कान्तिपुर फिल्म एकेडेमीका ३० भन्दा बढी कलाकारहरूको सहभागिता रहनेछ।

नाटक आगामी चैत २७ गतेदेखि वैशाख १९ गतेसम्म मञ्चन गरिनेछ। बुधबारबाहेक हरेक दिन साँझ ५:१५ बजे प्रदर्शन हुनेछ भने शनिबार, आइतबार र नयाँ वर्षको दिन दिउँसो १:१५ बजे विशेष शो पनि राखिएको छ।