काठमाडौं। गृहमन्त्री सुधन गुरुङले ‘पिर्के सलामी’ नलिने निर्णय गरेका छन्। आइतबार नवलपुरस्थित सशस्त्र प्रहरी बलको कार्यालयमा आयोजित एक औपचारिक कार्यक्रममा पुगेर उनले यस्तो निर्णय सार्वजनिक गरेका हुन्।

कार्यक्रममा उनलाई सशस्त्र प्रहरी बल नेपाल का डीएसपी लक्ष्मण बरालले स्वागत गरेका थिए। कार्यक्रममा नवलपुरका सहायक प्रमुख जिल्ला अधिकारी चिरञ्जीवी राना, एसपी युवराज खड्का, अनुसन्धान शाखाका एसपी अभिनय कुमार सिंह लगायत उच्च प्रहरी अधिकृतहरूको उपस्थिति रहेको थियो।

औपचारिक स्वागत र निरीक्षण कार्यक्रमका क्रममा गृहमन्त्री गुरुङले अबदेखि ‘पिर्के सलामी’ ग्रहण नगर्ने निर्णय स्पष्ट पारेका हुन्। सुरक्षा निकायमा विद्यमान परम्परागत प्रोटोकलबारे पुनर्विचार आवश्यक रहेको संकेत दिँदै उनले सरल र व्यावहारिक शैली अपनाउनुपर्ने धारणा व्यक्त गरेका हुन्।

उनको यो निर्णयपछि सुरक्षा निकायको औपचारिक प्रोटोकल र परम्परागत सम्मान प्रणालीबारे पुनः छलफल सुरु हुने अपेक्षा गरिएको छ।