काठमाडौं। प्रहरीद्वारा युट्युबर रोशन पोखरेल पक्राउ गरिएको घटनाप्रति जेन-जी मुभमेन्ट नेपालले आपत्ति जनाएको छ।

जेन-जी मुभमेन्ट नेपालका प्रवक्ता विजय शाहले एक विज्ञप्ति जारी गर्दै पोखरेललाई अभिव्यक्तिकै आधारमा पक्राउ गर्नु गलत र आपत्तिजनक कदम भएको भन्दै आपत्ति जनाएको हो ।

मुभमेन्टले पोखरेललाई तत्काल रिहा गर्न माग गर्दै एकतर्फी रूपमा व्यक्तिलाई निशाना बनाउँदै गरिएको पक्राउ कानुनी राज्यको सिद्धान्तविपरीत भएको जनाएको छ। यस्ता गतिविधिले अभिव्यक्ति स्वतन्त्रता र लोकतान्त्रिक अधिकारमाथि गम्भीर आघात पुर्‍याएको उनको भनाइ छ।

युट्युबमा प्रधानमन्त्री बालेन्द्र शाहलगायत नेताहरूलाई अपमानजनक र गालीगलौजयुक्त सामग्री प्रसारण गरेको आरोपमा पाँचथरको फाल्गुनन्द गाउँपालिका–७ का रोशन पोखरेल पक्राउ परेका थिए।

उनलाई नेपाल प्रहरीको साइबर ब्युरोको अनुसन्धानका आधारमा जिल्ला प्रहरी कार्यालय पाँचथरले पक्राउ गरेको हो।