काठमाडौं । प्रधानमन्त्री बालेन्द्र शाह ‘बालेन’ले आफ्नो सम्पत्ति विवरण सार्वजनिक गरेका छन्। 

आइतबार सामाजिक सञ्जालमार्फत सार्वजनिक गरिएको विवरण अनुसार उनको नाममा करिब १ करोड ४६ लाख रुपैयाँ बैंक बैलेन्स रहेको छ। त्यसैगरी, उनकी पत्नी सविना काफ्लेको नाममा पैत्रिक रूपमा करिब १९० तोला सुन, चाँदी, हिरा लगायतका गरगहना रहेका छन्। 

पारिवारिक सम्पत्तिअन्तर्गत उनका बुबाको नाममा महोत्तरीमा ९ विघा जग्गा रहेको छ भने आमा ध्रुवादेवी शाहको नाममा काठमाडौंमा ५ आना र धनुषामा १.२ विघा जग्गा रहेको विवरणमा उल्लेख गरिएको छ। 

बालेनले सम्पत्ति विवरण सार्वजनिक गर्नु पारदर्शिता र जवाफदेहिताको प्रतिबद्धताको रूपमा लिइएको छ।