काठमाडौं । श्रम संस्कृति पार्टीका अध्यक्ष तथा प्रतिनिधिसभा सदस्य हर्क सम्पाङले सरकारले सार्वजनिक गरेको मन्त्रिपरिषद् सदस्यहरूको सम्पत्तिको स्रोतसमेत खुलाउन माग गरेका छन्।

सोमबार बिहान सामाजिक सञ्जाल फेसबुकमार्फत आफ्नो धारणा सार्वजनिक गर्दै उनले सम्पत्तिको विवरण मात्र नभई त्यसको स्रोत पनि स्पष्ट हुनुपर्ने बताएका हुन्।

सम्पाङले स्रोत नखुलेको सम्पत्तिलाई भ्रष्टाचारसँग जोडेर हेर्न सकिने उल्लेख गर्दै पारदर्शिताका लागि सरकारका सबै सदस्यले आफ्नो आयको स्रोत प्रष्ट पार्नुपर्ने बताए।

‘सरकारमा रहेका सबैको सम्पत्ति यति उति भन्ने आयो, अब त्यसको स्रोत पनि खुलाइदिए राम्रो हुन्छ,’ उनले लेखेका छन्, ‘स्रोत बिनाको सम्पत्ति फेरि घुमाइफिराइ भ्रष्टाचार गरेको भन्ने नै बुझिन्छ, त्यसैले स्रोत प्रष्ट्याउनुपर्छ।’

उनको यो भनाइले सार्वजनिक पदाधिकारीको सम्पत्ति विवरण सार्वजनिक गर्ने मात्र होइन, त्यसको विश्वसनीयता र पारदर्शितामाथि पनि बहस बढ्ने संकेत गरेको छ।

साम्पाङकाे फेसबुक स्टाटस: