मनाङ। नासो गाउँपालिका-३, धारापानीमा भएको ट्रक दुर्घटनामा एक चालकको ज्यान गएको छ।

मृत्यु हुनेमा मर्स्याङ्दी गाउँपालिका-९, सिम्पानी बगैँचाका करिब ३७ वर्षीय रामबहादुर गुरुङ रहेका छन्।

मनाङ मर्स्याङ्दी जलविद्युत आयोजनाका लागि सिमेन्ट बोकेर बेँसीसहरबाट मनाङको कोतोतर्फ जाँदै गरेको बा प्र ०६००१ क ०४६१ नम्बरको ट्रक आज बिहान करिब १० बजे दुर्घटनामा परेको जिल्ला प्रहरी कार्यालयले जनाएको छ।

दुर्घटनापछि गम्भीर घाइते भएका चालक गुरुङको मृत्यु भएको र उनको शव पोष्टमार्टमका लागि प्रदेश अस्पताल लमजुङ पठाइएको प्रहरीले जनाएको छ।

घटनाबारे थप अनुसन्धान भइरहेको जिल्ला प्रहरी कार्यालय लमजुङ ले जानकारी दिएको छ।