काठमाडौं । राष्ट्रिय स्वतन्त्र पार्टी (रास्वपा) को संसदीय दलको बैठक सुरु भएको छ। सिंहदरबारस्थित संसदीय दलको कार्यालयमा जारी बैठकमा संसदीय समितिका सभापतिहरूका लागि उम्मेदवार तय गर्ने कार्यसूची रहेको छ।

संघीय संसद् अन्तर्गत कुल १६ वटा संसदीय समिति रहेका छन्। तीमध्ये प्रतिनिधिसभा अन्तर्गत १० वटा, राष्ट्रिय सभा अन्तर्गत ४ वटा तथा दुई वटा संयुक्त समिति रहेका छन्।

यसअघि नै राष्ट्रिय सभा अन्तर्गतका विषयगत समितिहरूका सभापतिहरूको निर्वाचन सम्पन्न भइसकेको छ। अब भने प्रतिनिधिसभा अन्तर्गतका १० वटा समिति र संयुक्त दुई वटा समितिका सभापतिहरूको निर्वाचन हुन बाँकी रहेको छ।