काठमाडौं । अमेरिकी राष्ट्रपति डोनाल्ड ट्रम्पले दक्षिणी लेबनानमा सक्रिय इरान समर्थित सशस्त्र समूह हिजबुल्लाहलाई इजरायलसँग भएको युद्धविरामको पालना गर्न आग्रह गरेका छन्।

ट्रम्पले ट्रुथ सोशलमार्फत यस्तो आग्रह सार्वजनिक गरेका हुन्।

उनले लेखेका छन्, ‘मलाई आशा छ कि हिजबुल्लाहले यस महत्वपूर्ण समयमा राम्रो र उचित व्यवहार गर्नेछ ।’

ट्रम्पले थप लेखेका छन्, ‘यदि उनीहरूले यसो गरे भने, यो उनीहरूका लागि ‘महान’ समय हुनेछ । अब कुनै हत्या हुनेछैन । अन्ततः शान्ति हुनुपर्छ।’