ललितपुर।  स्वास्थ्य सेवालाई सहज र पहुँचयोग्य बनाउने उद्देश्यले ललितपुरको कुपण्डोल मा ‘नुगा बेस्ट’ थर्मल थेरापी केन्द्र सञ्चालनमा आएको छ। विगत ८ वर्षदेखि विभिन्न प्रतिष्ठित अवार्डबाट सम्मानित ‘नुगा मेडिकल’को प्रविधिमा आधारित यस थेरापीले सर्वसाधारणका स्वास्थ्य समस्या समाधानमा महत्वपूर्ण भूमिका खेल्ने दाबी गरिएको छ।

विशेषगरी डा. चो स्युङ-ह्युन को लामो अनुसन्धानबाट विकसित ‘टुरमेनियम’ नामक चारवटा प्राकृतिक तत्वको मिश्रणमा आधारित यो प्रविधिले मानव शरीरमा कुनै नकारात्मक असर नगरी उपचार गर्ने कुरा वैज्ञानिक परीक्षणबाट प्रमाणित भएको संस्थाको दाबी छ।

राप्ती केयर ट्रेड प्रालिद्वारा सञ्चालित यस केन्द्रले समाजसेवाको भावनाले काम गरिरहेको जनाएको छ। केन्द्रकी प्रबन्ध निर्देशक प्रमिला राई ले थेरापी सेवा नाफा कमाउने उद्देश्यभन्दा समाजसेवाका लागि सञ्चालन गरिएको बताइन्। आर्थिक अवस्था कमजोर भएका व्यक्तिहरूले पनि यहाँ आएर गुणस्तरीय सेवा लिन सक्ने उनले जानकारी दिइन्।

यो थर्मल थेरापी विशेषगरी मेरुदण्ड तथा नसासम्बन्धी समस्या, घुँडा र जोर्नीको दुखाइ, माइग्रेन, उच्च तथा न्यून रक्तचाप, मुटुसम्बन्धी समस्या, ग्यास्ट्रिक, कब्जियत, थाइराइड, एलर्जी र मोटोपनजस्ता दीर्घरोगमा प्रभावकारी मानिएको छ।

आधुनिक चिकित्सा पद्धतिसँगै प्राकृतिक उपचार खोज्नेहरूका लागि यो केन्द्र एक भरपर्दो गन्तव्य बन्दै गएको बताइएको छ। कुपण्डोलस्थित यस केन्द्रले सेवाग्राहीहरूलाई सहज स्वास्थ्य लाभको अवसर प्रदान गरिरहेको छ।