काठमाडौं । चलचित्र पत्रकार संघ नेपालको अध्यक्षमा आगामी तीन वर्षका लागि समीर बलामी पुनः निर्वाचित भएका छन्। यसअघि पनि अध्यक्षको जिम्मेवारी सम्हालिसकेका बलामी काठमाडौँमा सम्पन्न संघको १०औँ महाधिवेशनबाट शनिबार मध्यरातमा नयाँ कार्यसमितिसहित चयन भएका हुन्।

नवनिर्वाचित कार्यसमितिमा उपाध्यक्ष (संगठन)मा रघुनाथ सापकोटा, उपाध्यक्ष (कार्यक्रम)मा कुमार आचार्य र उपाध्यक्ष (महिला)मा दिपज्योति थापा चयन भएका छन्। महासचिवमा गोपीकृष्ण चापागाईँ निर्वाचित हुँदा सचिवमा मदन रिजाल र समावेशी सचिवमा मोहम्मद जालिम चयन भएका छन्। त्यस्तै, कोषाध्यक्षमा मनिष अन्जान र सह–कोषाध्यक्षमा अर्जुन गुरागाईं निर्वाचित भएका छन्।

महाधिवेशनबाट संघको केन्द्रीय कार्यसमिति सदस्यमा सुशील नेपाल, दिनेश थापा, नवीन चापागाईँ, सोजना विक लोहार, रतनबहादुर चन्द, युवर्ण पौडेल, दिपराज क्षेत्री र सालिकराम न्यौपाने चयन भएका छन्।