नेपालीपनकाे विकास पथमा आयाे भने अड्चन
रुक्ने हाेइन है कदापि अब ता सम्झेर त्याे दुर्दिन
हत्यारा, अपराधकाे विषयमा हाे न्याय निर्णायक
छाेड्ने हाेइन है तथापि सजिलै यी स्वार्थदर्शी जन ।।१।।

निर्दाेषी भुँइ रक्तरन्जित विशे अन्धाे भए कानुन
गर्ला जन्म थलाे शहीद समझी इन्साफकाे क्रन्दन
हाेला फेरि कुनै अनाहक यहाँ हड्ताल आन्दाेलन
मर्लान् फेरि अझै अनेक निहुँमा निर्दाेष साथी जन ।। २।।

चिन्नैपर्दछ ती स्वदेश थलका याेगी महात्मा मुनी
गर्नैपर्दछ धर्म दान जनले दाता फरिस्ता बुझी
फाल्नैपर्दछ यी कुचाह जनका चम्चा र दादागिरी
फेर्नैपर्दछ त्याे हरेक घरकाे निस्तेजकाे जिन्दगी ।।३।।

उस्तै चाह र स्वार्थकाे तवरले छुट्टिन्न है अन्तर
आशा धेर छ है नयाँ सकलकाे यै देशकाे खातिर
आफैँमा छ स्वयम् अपूर्व मणिझैँ नेपाल याे सुन्दर
पाएकाे मतकाे हिफाजत गरे बन्नेछ हाम्रै घर ।।४।।

घाेट्दा बन्छ भने बडाे रगडिदा त्याे दाउराे चन्दन
ए छाेरा अब बन्नुपर्दछ यहाँ त्याे स्वर्गकाे नन्दन
पुस्ताकाे बलिकाे अमूल्य प्रण याे राख्नू सधैँ कायम
आमा फुल्न सदा तिमी भुवनकाे बन्नू ठुलाे सेवक ।।५।।