काठमाडौं। काठमाडौंको नागार्जुन नगरपालिका-१ स्थित रानी वनमा सुकुम्बासीका लागि सरकारले निर्माण गरेको भवनहरू अलपत्र अवस्थामा पुगेका छन्।

तीन वटा भवन निर्माण गरिएको उक्त क्षेत्रमा अहिले नगरपालिकाको वडा नम्बर १ कार्यालय, प्रहरी बिट, स्वास्थ्य कार्यालय र रानीवन नासीढोका खानेपानी तथा सरसफाइ उपभोक्ता समितिको कार्यालय सञ्चालनमा छन्। एउटा भवनमा भने मानव सेवा आश्रमले ५४ जना वृद्धवृद्धालाई आश्रय दिइरहेको छ।

अन्य भवनहरू भने प्रयोगविहीन बनेका छन्। केही भवन खण्डहर जस्तै देखिन्छन् भने कतिपय स्थानमा परेवा र चराचुरुङ्गीले गुँड बनाएका छन्।

लामो समयदेखि उपयोगमा नआउँदा भवन वरिपरि झारपात उम्रेर फोहोरसमेत बढेको स्थानीयले बताएका छन्।