काठमाडौं । पेटभरी खान नपाएको भन्दै सुकुम्बासी बस्तीबाट हटाइएका नागरिकहरूले गुनासो गरेका छन् ।

प्रधानमन्त्री बालेन्द्र शाह (बालेन)को निर्देशनपछि शनिबार र आइतबार सुकुम्बासी बस्तीबाट हटाएपछि कीर्तिपुरमा राखिएका नागरिकहरूले भनेका छन्– खाना अघाउनेगरी खान पाइएन ।’

प्रधानमन्त्री बालेनले काठमाडौं महानगरपालिकालाई उनीहरूका लागि खानाको व्यवस्था गर्न भनेका थिए । महानगरपालिकाले शनिबार साँझ र आइतबार बिहान प्याकेटको खाना दिएका थिए ।

तर, सुकुम्बासी वस्तीबाट हटाइएका नागरिकहरूले अघाउँजी खान नपाएको भन्दै सरकारसँग गुनासो गरेका हुन् । बिहान भने उनीहरूलाई चिया र बिस्कुट दिइएको थियो ।

काठमाडौंको थापाथली, शान्तिनगर, गैरीगाउँ, मनोहरालगायत क्षेत्रका सुकुम्बासी बस्ती शनिबार र आइतबार खाली गरिएको छ ।

२ सय भन्दा बढी सुकुम्बासी परिवार कीर्तिपुरलगायत क्षेत्रमा लगेर राखिएको छ । उनीहरूले अघाउँजी खान नपाएको भन्दै सरकारसँग चित्त दुखाएका हुन् ।