काठमाडौं । लेबनानमा लागू भएको युद्धविरामकै बीच इजरायलले गरेको आक्रमणमा १४ जनाको मृत्यु भएको छ। लेबनानको स्वास्थ्य मन्त्रालयका अनुसार मृतकमध्ये दुई बालबालिका र दुई महिला समेत छन्, भने ३७ जना घाइते भएका छन्।

गत बिहीबार मात्र दुवै देशबीच युद्धविराम तीन साताका लागि थप गरिएको थियो। तर समझौता कायम रहे पनि क्षेत्रको वातावरण तनावपूर्ण नै रहेको छ।

सम्झौताअनुसार इजरायललाई आफ्नो सुरक्षासम्बन्धी आवश्यक कदम चाल्न अनुमति दिइएको छ। आक्रमणअघि इजरायली रक्षा बल (आईडीएफ) ले दक्षिणी लेबनानका केही बासिन्दालाई तत्काल सुरक्षित स्थानमा सर्न चेतावनी दिएको थियो, त्यहाँ बसिरहनु ज्यानका लागि जोखिमपूर्ण हुने बताएर।

इजरायलका प्रधानमन्त्री बेन्जामिन नेतन्याहुँले सेना सक्रिय रूपमा अभियानमा रहेको र हिज्बुल्लाहका गतिविधिले युद्धविराम उल्लङ्घन गरिरहेको आरोप लगाएका छन्।