काठमाडौं । मन्त्रिपरिषद् बैठक सुरु भएको छ। प्रधानमन्त्री तथा मन्त्रिपरिषद् कार्यालय सिंहदरबारमा केहीबेरदेखि बैठक जारी रहेको हो।

आजको बैठकले संवैधानिक परिषद् लगायतका विषयमा अध्यादेश ल्याउने तयारी गरेको बताइएको छ।

यसअघि सरकारको सिफारिसमा राष्ट्रपति रामचन्द्र पौडेलले वैशाख १७ गतेका लागि संघीय संसद् अधिवेशन आह्वान गरेका थिए। तर त्यसको भोलिपल्टै सरकारकै अर्को सिफारिसमा उक्त अधिवेशन स्थगित गरिएको थियो।