काठमाडौं। सौगात मल्ल, सुहाना थापा र प्रकाश सपुत अभिनीत फिल्म ‘परालको आगो’ ले नेपालमा २ करोडभन्दा बढीको व्यापार गरेको छ।

फिल्मले बुधबारसम्म देशभर २ करोड ११ लाख रुपैयाँभन्दा बढी कमाइ गरेको निर्माता सुशील पोखरेलले सामाजिक सञ्जालमार्फत जानकारी दिएका छन्।

लक्ष्मण सुनार निर्देशित यो फिल्म गुरुप्रसाद मैनालीको चर्चित कृति ‘परालको आगो’ मा आधारित छ।

निर्माण टिमका अनुसार फिल्मले आगामी दिनमा पनि राम्रो व्यापार गर्ने अपेक्षा गरिएको छ।

सफल व्यापारपछि निर्माण पक्ष दर्शकको प्रतिक्रिया बुझ्न राजधानीदेखि मोफसलका विभिन्न हलमा पुगेको छ। बुधबार फिल्मको टिम नेपालगन्जका हलहरूमा पुगेर दर्शकसँग प्रत्यक्ष भेटघाट गरेको थियो।