एजेन्सी। अमेरिकाको हाउस आर्म्ड सर्भिसेज कमिटीमा करिब ६ घण्टा लामो सुनुवाइका क्रममा रक्षामन्त्री पिट हेगसेथले सांसदहरूको कडा प्रश्नहरूको सामना गरेका छन्। सुनुवाइका क्रममा डेमोक्रेटिक सांसदहरूसँग उनको चर्को बहस समेत भएको हो।

सुनुवाइको क्रममा सांसद सारा ज्याकोब्सले राष्ट्रपति डोनाल्ड ट्रम्पको मानसिक अवस्थाबारे प्रश्न उठाएपछि राजनीतिक विवाद चर्किएको छ। उनले ट्रम्पको सामाजिक सञ्जाल ‘ट्रुथ सोसल’मा हालै गरिएका पोस्टहरूको उल्लेख गर्दै उनको अभिव्यक्तिको शैलीमाथि आलोचना गरेकी थिइन्।

त्यस क्रममा ज्याकोब्ससँगै उभिएका एक सहयोगीले ट्रम्पका पुराना पोस्टहरूको कटआउट समेत प्रदर्शन गरेका थिए। तीमध्ये येशूसँग सम्बन्धित विवादास्पद एआई–निर्मित पोस्ट पनि देखाइएको थियो, जसलाई पछि हटाइएको बताइएको छ।