काठमाडौं। निर्देशक लक्ष्मण सुनार को फिल्म परालको आगो ले घरेलु बक्स अफिसमा ३ करोड १२ लाख रुपैयाँभन्दा बढी कमाइ गर्न सफल भएको छ।

चलचित्र विकास बोर्ड ले शनिबार रातिसम्म सार्वजनिक गरेको बक्स अफिस रिपोर्टअनुसार फिल्मले ३ करोड १२ लाख १७ हजार ९२ रुपैयाँ ग्रस कलेक्सन गरेको हो।

उक्त अवधिसम्म फिल्मका १ लाख १० हजार ४४२ वटा टिकट बिक्री भएको बोर्डले जनाएको छ।

प्रकाश सपुत, सुहाना थापा, सौगात मल्ल र सिर्जना अधिकारी अभिनीत यो फिल्म गुरुप्रसाद मैनाली को चर्चित कथामा आधारित रहेको छ।

करिब २ करोड रुपैयाँ लगानीमा बनेको फिल्मले लगानी उठाउँदै नाफातर्फ उन्मुख भएको देखिएको छ।