काठमाडौं। वीर अस्पतालका निर्देशक डा. दिलीप शर्मा ले पदबाट राजीनामा दिएका छन्। अघिल्लो सरकारले गरेका नियुक्तिहरू खारेज गर्नेगरी वर्तमान सरकारले अध्यादेश ल्याएपछि उनले पद छाडेका हुन्।

डा. शर्माले हिजो नै स्वास्थ्य मन्त्रालयमा पुगेर राजीनामा बुझाएको जानकारी दिएका छन्। उनका अनुसार अन्य पदाधिकारीहरूले पनि पद छाडेकाले आफूले पनि राजीनामा दिएको हो।

प्रधानमन्त्री बालेन्द्र शाह (बालेन) लक्षित गर्दै उनले भने, ‘मेरो कार्यकाल पनि धेरै बाँकी थिएन, नयाँ सरकारलाई सहज होस् भनेर राजीनामा दिएँ।’

स्वास्थ्य सेवाअन्तर्गत दशौं तहका कर्मचारी रहेका शर्मा २०८१ फागुनमा वीर अस्पतालको निर्देशकमा नियुक्त भएका थिए।

उनको राजीनामापछि वीर अस्पताल हाल पदाधिकारीविहीन भएको छ। अध्यादेश जारी भएसँगै चिकित्सा विज्ञान राष्ट्रिय प्रतिष्ठानका उपकुलपति, शिक्षाध्यक्षलगायतका पदाधिकारीहरू पनि पदमुक्त भएका थिए।

यस घटनाले देशको प्रमुख स्वास्थ्य संस्थाहरूको प्रशासनिक संरचना तत्कालका लागि अनिश्चित बनेको देखिएको छ।