काठमाडौं। नेकपा एमाले अध्यक्ष तथा पूर्वप्रधानमन्त्री केपी शर्मा ओलीले दोहोरो सुविधाबापत लिएको सरकारी गाडी सरकारलाई फिर्ता गरेका छन्।

प्रधानमन्त्री कार्यालयका अनुसार ओलीले बुधबार उक्त गाडी सरकारलाई औपचारिक रूपमा फिर्ता गरेका हुन्।

दोहोरो सुविधा अन्तर्गत प्रयोगमा रहेको उक्त गाडी फिर्ता गरिएको कार्यालयले जनाएको छ।

सरकारी सुविधाको दुरुपयोग र दोहोरो सुविधा सम्बन्धी विषयमा चर्चा भइरहेका बेला पूर्वप्रधानमन्त्री ओलीले गाडी फिर्ता गरेका हुन्।