काठमाडौं । प्रमुख प्रतिपक्षी दल नेपाली कांग्रेसले प्रतिनिधिसभा बैठकमा प्रधानमन्त्री बालेन्द्र शाहलाई खोजेको छ ।

बुधबार बसेको प्रतिनिधिसभा बैठकमा बोल्दै कांग्रेस सचेतक निश्कल राईले प्रधानमन्त्री बैठकमा अनुपस्थित रहेको भन्दै असन्तुष्टि जनाएका हुन् ।

उनले नीति तथा कार्यक्रममाथिको छलफल हुने बैठकमा प्रधानमन्त्रीलाई अनिवार्य उपस्थित गराउन सभामुखसँग रुलिङको माग गरे ।

राईले अघिल्लो दिन आफ्नो दलका नेताले प्रधानमन्त्रीको स्वास्थ्य अवस्थाबारे जानकारी गराउन माग गरेको प्रसंगसमेत स्मरण गराए ।

नीति तथा कार्यक्रममाथि सांसदहरूले उठाएका प्रश्नको जवाफ प्रधानमन्त्रीले दिने कार्यसूची रहे पनि प्रधानमन्त्री शाह उपस्थित नहुने भएका छन् । त्यसपछि कार्यसूची संशोधन गरी अर्थमन्त्री स्वर्णिम वाग्लेले जवाफ दिने व्यवस्था गरिएको छ ।