काठमाडौं। प्रतिनिधिसभाको बैठक फेरि सुरु भएको छ । बैठक सुरु भएलगत्तै नेकपा एमालेका प्रमुख सचेतक ऐन महर उठेर अवरोध गरेका छन् । त्यसपछि उनलाई सभामुख डीपी अर्यालले बोल्न समय दिए ।

लगत्तै उनले एमाले संसदीय दलका नेता रामबहादुर थापा ‘बादल’को अभिव्यक्ति संसदको रेडर्कबाट हटाएकोबारे जानकारी मागे । उनले भने, ‘सभामुखज्यू, कुन कुन शब्द संसदको रेडर्क हटाइयो ? जानकारी पाउँ ।’

उनले भने रास्वपा संसदीय दलका उपनेता गणेश पराजुलीले पनि मंगलबार असंसदीय शब्दहरू ‘भरौटे’ र ‘आसेपासे’ प्रयोग गरेको भन्दै दुवै शब्द हटाउन माग गरे ।

उनले रास्वपाका अर्का सांसद रमेश प्रसाईंले सोही दिन ‘नरसंहारकारी’ शब्द प्रयोग गरेको भन्दै हटाउन माग गरे ।

यसपछि सभामुख अर्यालले एमाले संसदीय दलका नेता बादलले प्रयोग गरेको ‘रास्वपालाई अराजकहहरूको भिड’, राष्ट्रिय झण्डा बोकेर देश जलाएको र नेपाली सेना मुखदर्शक बनेको भन्ने शब्द हटाउन सचिवालयलाई निर्देशन दिएको बताए ।