काठमाडौं । सभामुख डोलप्रसाद अर्यालले प्रतिनिधिसभाको सचिव पदमा प्रकाश अधिकारीको नाम राष्ट्रपतिसमक्ष सिफारिस गरेका छन् ।

यसअघिका सचिव हर्कराज राईलाई हटाएर सभामुख अर्यालले अधिकारीको नाम सिफारिस गरेका हुन् । सङ्खुवासभा निवासी अधिकारी नेपाल सरकारको उपसचिव पदबाट अवकाश प्राप्त पूर्वकर्मचारी हुन् ।

संविधानको धारा १०६ को उपधारा (१) बमोजिम सभामुखको सिफारिसमा राष्ट्रपतिले प्रतिनिधिसभाको सचिव नियुक्त गर्ने व्यवस्था रहेको छ ।

स्रोतका अनुसार संघीय संसद्का महासचिव, प्रतिनिधिसभाका सचिव र राष्ट्रियसभाका सचिवको पारिश्रमिक, सेवाका सर्त तथा सुविधा सम्बन्धी ऐन, २०७५ अनुसार विशिष्ट श्रेणीको सचिवसरह सेवा सुविधा पाउने गरी अधिकारीको नाम सिफारिस गरिएको हो ।

यद्यपि, राष्ट्रपतिबाट उनको नियुक्ति भने हालसम्म भएको छैन ।