काठमाडौं । प्रतिनिधिसभाको बैठक भोलिसम्मका लागि स्थगित गरिएको छ ।

सरकारले ल्याएको नीति तथा कार्यक्रममाथिको छलफलका क्रममा प्रधानमन्त्री बालेन्द्र शाह सदनमा उपस्थित हुनुपर्ने माग गर्दै विपक्षी दलहरूले अवरोध गरेपछि बैठक स्थगित गरिएको हो ।

विपक्षी दलहरूले प्रधानमन्त्रीले उठेका प्रश्नको जवाफ स्वयं दिनुपर्ने अडान राख्दै नाराबाजी जारी राखेका थिए । तर प्रधानमन्त्रीका तर्फबाट अर्थमन्त्री डा. स्वर्णिम वाग्ले लाई जवाफ दिन अघि सारिएको विषयमा उनीहरूले आपत्ति जनाएका छन् ।

सभामुख डोलप्रसाद अर्याल ले पटक–पटक सदन सञ्चालनमा सहयोग गर्न आग्रह गरे पनि सहमति नजुटेपछि बैठक भोलि बिहान ११ बजेसम्मका लागि स्थगित गरिएको हो ।

सभामुखले सदन सञ्चालनका विषयमा प्रधानमन्त्रीसँग आफैँ संवाद गर्ने बताएका छन् ।