काठमाडौं। नेकपा एमालेका सांसद सुहाङ नेम्बाङले बहुमतको गणितले मात्रै संविधान संशोधन गरे त्यसको दिगोपना नहुने बताएका छन् ।

उनले आम सहमतिबाट संविधानको संशोधन गर्नुपर्ने र त्यसो गर्दा मात्रै संविधानप्रतिको सर्वस्वीकार्यता हुने बताए ।
त्यसो भए मात्रै संविधान कालजयी र साझा बन्ने बताए ।
‘गणितले संविधान संशोधन त गर्ला तर बहुमतको गणितले मात्रै संविधानको अक्षरहरू लेखिनु हुन्छ, सहमतिबाट लेखिनुपर्छ ।

तब मात्रै कालजयी र साझा बन्न सक्छ,’ उनले सरकारको नीति तथा कार्यक्रममाथिको छलफलमा सहभागी हुँदै आफ्नो धारणा राखे ।
उनले सरकारको नीति कार्यक्रममा आम जनताको चाहना सम्बोधन नभएको दाबी गरे ।