काठमाडौं । वाणिज्य बैंकहरूले जेठ महिनाका लागि नयाँ ब्याजदर सार्वजनिक गरेका छन् । वैशाखको तुलनामा वाणिज्य बैंकहरूको औसत ब्याजदर घटेको छ ।

नयाँ ब्याजदरअनुसार व्यक्तिगत मुद्दती निक्षेपको अधिकतम औसत ब्याजदर ४.३४ प्रतिशतमा झरेको छ । वैशाख महिनामा यस्तो ब्याजदर ४.४० प्रतिशत थियो ।

संस्थागत मुद्दती निक्षेपको ब्याजदर पनि घटेको छ । वैशाखमा ३.२२ प्रतिशत रहेको यस्तो ब्याजदर जेठमा ३.२० प्रतिशत कायम गरिएको छ ।

सञ्चालनमा रहेका २० वाणिज्य बैंकमध्ये ५ बैंकले ब्याजदर घटाएका छन् । ब्याजदर घटाउने बैंकहरूमा स्ट्याण्डर्ड चार्टर्ड बैंक, कुमारी बैंक, एनआईसी एशिया बैंक, हिमालयन बैंक र नेपाल बैंक रहेका छन् ।

यस्तै सिद्धार्थ बैंक र सिटिजन्स बैंक ले भने जेठका लागि ब्याजदर बढाएका छन् । अन्य बैंकहरूले वैशाखकै ब्याजदरलाई निरन्तरता दिएका छन् ।